Plantun de Prouvènço

Pèr coumpara dos planto d'encò nostre

Pilosella corymbuloides & Stellaria nemorum

Pilosella corymbuloides

Asteraceae Compositae

Nom en français : Piloselle à inflorescence corymbiforme.

Descripcioun :
Aquesto peludello coumuno, mai pas trop bèn couneigudo, trachis dins li pelouso aupenco pulèu sus sòu séusous. Fai partido dóu group de peludello que soun pas bourrihudo sus lou dessouto di fueio ; podon pamens agué quàuqui péu estela. Pòu faire quàuqui fiéu (estouloun) courtet e ansin douna uno pichoto coulounìo. Li flour coumpausado an si brout en pinceloun (courimbo) un pau sarra.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 25 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1,5 à 2 cm
Flourido : Printèms - Estiéu

Sòu : Si (Ca)
Autour basso e auto : 1600 à 2600 m
Aparado : Noun
Jun à avoust

Liò : Pelouso - Roucaio - Champino
Estànci : Subaupen à Aupen
Couroulougi : Ouroufito-Aupenco
Ref. sc. : Pilosella corymbuloides (Arv.-Touv.) S.Bräut. & Greuter, 2008 (= Pilosella smithii Arv.-Touv. = Hieracium corymbuloides Arv.-Touv., 1872 )

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.